Read Ebook: Le livre de Girart de Nevers et de la belle Euriant s'amye by Gerbert De Montreuil Active Th Century Li Det Loyset Illustrator

Font size: 10 px 15 px 20 px 25 px 30 px 35 px

Background color: BlackWhiteGrayLight GrayDark GrayDim Gray

Text color: BlackWhiteGrayLight GrayDark GrayDim Gray

Apply/Save settings

Ebook has 263 lines and 49630 words, and 6 pages

La damoiselle oyant les nouvelles fut tresjoyeuse et fist tresbonne chiere a l'escuier et lui dist que incontinent seroit preste. Et commanda a son maistre d'ostel que bien pensast du jeusne escuier. Puis elle desirant complaire a son amy fist aprester son bagaige au plus tost que elle peust et recommanda tout son hostel a la vielle. Icelle faulce vielle desloyale sorciere, bien saichant la cause pourquoy sa damoiselle estoit mandee, luy dist que en riens ne feist doubte et que tellement penseroit du mesnaige que a son retour auroit toutes bonnes nouvelles. La belle Euriant baisa sa maistresse en prenant congi? d'elle. La desloyale vielle fist semblant de plorer et dist au departir: <> La damoiselle ayant son fait aprest? commanda a tirer les chevaulx hors de l'estable, lesquelz estoient merveilleusement beaulx et moult richement abiliez de selle, de harnas et couvertes. Et elle et ses gens de atours et vestemens si riches et si pompeux que c'estoit grant beaut? de les veoir.

Quant elle veist ses gens estre prestz elle fist amener son aguenee sur laquelle elle monta sans prendre aventaige.

Puis elle, accompaignee de trois chevaliers des plus nobles de Nivernois et de pluseurs autres gentilz hommes, se partist de la cit? de Nevers et fust convoyee des plus grans d'icelle cit?. Car tant estoit amee des grans et des petis que se a la verit? eussent seu son destourbier jamais pour riens ne l'eussent laissier partir. Quant ilz eurent convoyez la damoiselle jusques a une lieuue en plorant prirent congi? d'elle et s'en retournerent a Nevers. La belle Eurian et sa compaignie se misrent au chemin faisant la plus grant chiere du monde. Mais se advertie eust estee de ce qui devoit avenir elle n'eust pas faicte si bonne chiere. Tant exploitta sans sejourner que ung bien matin ariverent a Melum et se vinst logier en ung moult riche hostel qui estoit au plus pres de l'eglise Saint Gille, ouquel elle fust de son hoste et de son hostesse tres notablement receue; et la menerent en une chambre richement paree; et ne sceust on nouvelle a la court de sa venue pour ce que le roy et tous ses barons estoient alez a la chasse, ou ilz furent jusques pres de mynuit avant qu'ilz retournassent. Pourquoy la belle Euriant, saichant que si tost ne retourneroient, commanda appareillier son soupper et quant il fust prest elle se assist a table; apres ce que elle et ses gens eurent soupp?, elle qui estoit lasse et traveillee se ala couchier et reposer jusques au matin que deux de ses damoiselles la vindrent esveillier. Quant elle veist le jour estre venu, par ses damoiselles se feist vestir et mettre a point de ses attours qui estoient moult riches et beaulx. Mais bien vous ose dire que oncques Elaine, Policena, Dido ne la belle Florence de Romme, mesmement la belle orgueilleuse d'amour, de beault?, d'umilit? n'estoient a comparer pour le temps que elles vivoient a la belle Euriant. Aujourd'uy ne se trouveroit paintre, tant fust il bon ouvrier, qui sceust contrefaire ne qui vous sceust au vray deviser de sa beault? ne de ses riches atours, tant estoit si merveilleusement belle et assouvye, et tant que Dieu et nature en elle n'avoient riens obli?. Encores n'avoit elle pas .xvi. ans de age.

Quant elle fust du tout paree et vestue elle fist venir toutes ses gens comme chevaliers, gentilz hommes, dames et damoiselles, et ala a court mais en alant que elle fasoit y avoit si grant presse par les rues de gens qui la venoient veoir que c'estoit merveilles et estoient tous esmerveilli?s de la grant beault? qui estoit en la belle Euriant. Et premiers que elle peust venir a la court Girart eust nouvelles que elle venoit: quant il sceust qu'elle venoit lui et pluseurs chevaliers lui vindrent au devant tous esba?s de la grant beaut? qu'ilz virent en la belle Euriant, laquelle moult gentement venoit chevauchant sur une belle aguenee faisant les saulx parmy les rues; et ne fut gaire loings de son hostel que elle encontra Girart son amy qui lui venoit au devant, lequel lui dist: <> <> Eulx deux tenans par les mains vindrent a la court ou ilz descendirent; gaires n'y eust chevalier ne gentil homme qui ne venist au devant d'eulx pour le desir que chascun avoit de les veoir venir ensemble a court. Quant tous furent descendus ilz monterent amont les degrez de la saule ou le roy estoit et ses barons estoient les attendans.

Comment la belle Euriant vinst a court et comment Liziart lui imposa qu'elle avoit couchi? avec lui et fait sa volent? d'elle.

Quant ilz furent entrez en la saule, il n'y eust si grant prince ne baron qui ne leur feist honneur, mesmement le roy qui se leva et prinst Eurian par la main et lui dist: <> <> Le roy en soy tournant devers ses barons leur dist: <> La belle Eurian comme sage et soubtile, soy veant sans femme except? les siennes, et cuidant trouver la royne avec le roy, pensa que pour aucune chose estoit mandee et lors prinst en elle une freur de ce que le roy avoit dit et moult piteusement commen?a a regarder Girart son amy. Elle estant en ceste freur, Liziart conte de Forest et de Beaujolois se mist a genoulx devant le roy et lui dist: <> La belle, oyant Liziart parler, dist a Girart en riant: <> Liziart, sans soy esba?r ne avoir en lui crainte ne paour, a chiere levee passa avant et dist au roy, oyans tous les barons: <>

Comment Girart se partist de la court moult desplaisant et Euriant s'amye sans autre compaignie.

Quant le roy et les barons eurent oy Liziart et que si affirmativement disoit ses enseignes, lesquelles de l'enffant Girart n'estoient debatues, et ne dist riens a l'encontre de Liziart, ne aussi ne fist Euriant, mais tous deux furent comme paumez, de quoy toute la seignorie fut moult desplaisant et n'y eut homme qui deist ung seul mot, car tant amoient Girart que tous larmoyoient du deshonneur et perde d'icellui Girart et par espicial quant ilz veirent Euriant cheoir paumee devant le roy. Quant elle fust relevee elle getta ung moult hault cry en disant: <

A, sire Girart, ceste mensonge jamais ne creez, car oncques le desloyal n'eust de moy la joyssance, ne nul quel qu'il soit fors vous. Mieulx ameroye estre arse que d'avoir consentir a ce deshonneur.>> Girart plain d'ire et de couroux moult fierement lui dist que son excusacion ne valoit riens. <> Alors les cousins et parens de Girart lui demanderent son entencion ne que il vouloit devenir, eulx offrans de aler avec lui et de non le jamais habandonner. <> Oncques pour priere ne requeste qu'ilz lui sceussent faire Girart ne volt consentir que nulz d'eulx alast avec lui, dont le roy et ses barons furent fort troublez, car tant amoient Girart et grans et petis qu'il n'y eust cellui d'eulx qui de piti? ne plorast.

Alors Girart fist amener son cheval et la haguenee de s'amye Euriant a laquelle il commanda monter sur ladicte aguenee. Elle doulante et esploree fist ce qu'il lui commanda, puis Girart lui seul sans serviteur monta sur son cheval et ne volt avoir aucune compaignie d'omme ne de femme quel qu'il fust et prinst congi? lui et Euriant du roy et des barons et s'en alerent; et en passant qu'ilz fasoient par la ville de Melum il n'y avoit homme ne femme qui ne menast grant dueil du desplaisir de Girat, et maudisoient Liziart par quy cest affaire estoit a Girart et a Euriant, a laquelle ilz veoient demener le plus merveilleux dueil du monde. Quant ilz furent yssus de la ville, Girart tira tout droit en la forest d'Orleans et se bouta dedans, lui et s'amye Euriant triste et doloreuse, et aloit chevauchant apres elle sans dire ung seul mot l'un a l'autre. Et se partirent Girart et s'amye de la court en ceste maniere dolans et courouciez, et Liziart demeura joyeux de sa bonne adventure et tant fist vers le roy et son conseil que la cont? de Nevers lui fust a plain delivree et en fist hommaige au roy en la presence des barons, dont les parens et amis de Girart furent moult dolans et maudisoient l'eure que oncques il s'estoit enamor? de ceste demoiselle.

Quant Liziart eust fait hommaige au roy, lui accompaigni? de ses amys prist congi? du roy et s'en ala de tire a Nevers ou il fust receu des bourgeois a seigneur, mais oncques plus grant piti? ne fust veue, pour les piteux regretz qu'ilz fasoient de leur naturel seigneur et de leur damoiselle que ainsi avoient perdus, et estoient de povres et de riches fort plains et regretez. Mais a Liziart ne a la faulce vielle n'en chaloit gaires pour ce qu'ilz se veoient au dessus de leurs besoingnes. Et eust la vielle le gouvernement de toute la cont? de Nevers, et estoit Liziart content de tout ce qu'elle vouloit sans riens contredire, et se monstroient moult grant amour l'un a l'autre; mais la vielle estoit tant ha?e par tout le pa?s que ce n'eust est? pour doubte de Liziart on l'eust gettee en ung puis ou en la riviere pour les mauvaises coustumes, tailles et gabelles qu'elle avoit mis sus. De Liziart et d'elle lairay a parler et parleray de Girart de Nevers et s'amye la belle Euriant.

Comment Girart volt copper la teste a Euriant s'amie en la forest d'Orliens, du serpent qui lui vinst corir sus, et comment il la laissa toute seule en ladicte forest.

Bien avez oy parcidevant le piteable departement de Girart de Nevers et de s'amye. Apres ce qu'ilz furent departis de Melun eulx deux ensemble plains de tristesse et de melencolie entrerent en une forest ou tout le jour sans boire et sans maingier furent, jusques ce vint apres jour failly qu'ilz trouverent ung petit hostel de povres gens ou celle nuyt logerent, puis le matin se departirent en eulx tellement exploitant qu'ilz ariverent en la forest d'Orliens. Girart, veant que ass?s loing de gens estoient et qu'il ne veoit homme, il regarda a costiere du chemin et choisist ung moult gros chaisne soubz lequel il descendist et fist descendre Euriant et ataicha les chevaulx a ung arbre, et vinst apres a Euriant et lui dist: <> La belle Euriant se mist a genoulx devant lui, lui requerant que d'elle voulsist avoir compassion. <>

Alors Girart en ostant amour et piti? de lui comme celui qui a l'eure estoit remply de yre et de couroux prinst Euriant par les cheveux et tira son espee, et ainsi qu'il cuidoit frapper, Euriant vist venir ung grant et orrible serpent, et dist a Girart: <> Grosse avoit la teste et les yeux plus ardans que feu. La quehue avoit moult grande et eserchelee.

<> Lors Girart laissa la belle Euriant et regarda la orrible beste qui venoit contre lui le grant pas. Lui, comme cellui qui en riens ne doubtoit la mort, conclud en soy que pour paour il ne lairoit de soy esprouver a l'encontre du serpent. Lors il laissa Euriant et envelopa son manteau alentour de son bras, l'espee ou point, et vint contre le serpent. Lequel serpent venoit gulle ouverte gettant une flambe moult orrible et puant. Girart qui moult estoit hardy advisant le serpent qui venoit pour l'englotir prinst son espee par la croix et la getta de grant force en la gorge du serpent et tellement qu'il lui trencha le foye et le vint attaindre au cuer. Quant le serpent sentist le cop il getta ung cry si orrible que toute la forest retentissoit et chut le serpent a terre. Lors Girart, veant la beste estre morte, prinst herbes et fueilles en sa main et tira son espee hors de la gorge du serpent, puis a ung petit ruissot d'une fontaine la estant la lava et l'essua a son mantel et le rebouta ou forreau.

Comment Girart se mist a genoulx rendant graces a Dieu de ce qu'il estoit eschapp? et qu'il avoit tu? le serpent et comment il laissa Euriant seule.

Apres ce que Girart eust occis le serpent orrible il se mist a genoulx les yeux contre le ciel, rendant graces a Dieu de ce qu'il avoit vaincu le serpent, et pensa en son coraige et dist: <> Il vinst vers la damoiselle et lui dist: <> Et la laissa toute seule et monta sur son cheval prenant son chemin en la forest. Et la belle Euriant seule et esgaree demeura au bois moult doulante en faisant ses regrez piteux, detordant ses mains, tirant ses cheveulx, et disoit: <>

Comment le duc de Metz ariva en la forest ou il trouva la belle Euriant.

Alors rencommen?a son dueil moult grant. <> Puis es mains et es oncles se esgraffinoit toute sa face; moult pale et descoloree estoit, tout transy et couvert estoit de sang et mieulx sembloit morte que vive et cheust a terre paumee. Ainsi, comme en celle pasmoison estoit, par la passa le duc de Metz, lui .xx.e de chevaliers, lequel tout droit venoit de Saint Jaques et avoit ce jour disn? a Baugensi, et ainsi comme il approcha de la forest d'Oliens il entra en ung grant chemin et veist a dextre ung cheval estaichi? a une branche, et veist empres ung grant et orrible serpent mort; en apres vist une damoiselle gesant a terre, laquelle lui sembloit selon ses habilemens estre de grant lieu, dont il fut effr?, pensant que le serpent avoit tuee la damoiselle, mais moult se esmerveilloit comment le serpent avoit est? tu?. Il appella ses chevaliers et leur dist: <> Ainsi comme le duc se devisoit a ses chevaliers la belle Euriant se revint de pasmoison en soy esmerveillant de veoir empres elle tant de gens, et incontinent se prinst a nettoyer son visaige et ses yeulx qui estoient tous plains de sanc et de larmes. Quant le duc la veist revenue et que point n'estoit morte il fust moult joyeux, desirant savoir d'elle quelle male aventure l'avoit la menee, et pour en savoir la verit? mist pi? a terre et la salua moult courtoisement; laquelle ne lui respondist ung seul mot car elle ne povoit tant avoit le cuer estraint et commen?a de plorer et soy desconforter en blasmant sa doulante vie. Le duc la reconfortoit moult doulcement et lui dist: <> La belle Euriant, la larme a l'ueil, lui respondist et lui dist: <>

Le duc oyant ses piteuses complaintes eust en lui grant piti? et la prinst moult fort a regarder ou visaige et lui sembla que oncques jour de sa vie plus belle creature mieulx faite ne mieulx formee il n'avoit veue. Et dist en lui mesmes que se de ses gens ne cuidoit estre blasm? il la prendroit a femme et la feroit duchesse de Metz et de Lorrainne, et dist qu'elle sembloit es habilemens qu'elle portoit estre de grant et noble lieu yssue et que par honneur ung grant roy la poroit prendre, et la prist moult fort a amer, desirant avoir son accointance et lui dist: <> Quant Euriant entendist le duc, oncques mais ne fut plus dolante, et lui dist a basse voix: <> Le duc en la regardant lui dist que telle excusacion ne lui estoit mestier de faire: <> <>

Comment le duc de Metz emmena Euriant, voulsist elle ou non.

Quant le duc entendist la damoiselle plus que devant fut amoreux d'elle et la prinst par la main et lui dist: <> Lors le duc la fist monter sur sa aguenee par quatre chevaliers qu'il fist descendre et se misrent en chemin. La belle Euriant demenoit grant dueil pour son amy Girart duquel estoit ainsi departie. Grant piti? estoit de la veoir, et en avoient les chevaliers du duc grant piti? et contredisoient moult fort au duc qui bien se gardast de la prendre a femme, que ass?s de plus belles en trouveroit en son pa?s et que il veoit bien que c'estoit une maleureuse. <> Quant le duc vist que ses chevaliers blasmoient la demoiselle, laquelle il amoit, il leur deffendist que plus n'en parlassent et que pour eulx ne pour homme vivant ne s'en deporteroit.

Les chevaliers oyans la volent? de leur seigneur se teurent sans plus en parler et se misrent en chemin.

Le duc regardoit tousjours Euriant et de plus en plus y mettoit son cuer. Mais a la belle Euriant n'en chaloit, ains ploroit et fasoit ses regretz, quant de son amy Girart avoit souvenance. Le duc la reconfortoit le mieulx qu'il povoit, mais pour priere qu'il lui sceust faire elle ne se vouloit deporter de son dueil. Tant esploiterent de chevauchier par villes et chasteaulx que en moings de huit jours ariverent a Metz en Lorraine ou le duc fut moult bien receu. La belle Euriant il bailla en garde a une sienne seur qu'il avoit, dont elle fut moult amee pour sa beaut? et doulceur. Le duc l'aloit souvent veoir esperant lui faire perdre son dueil mais tousjours la belle se excusoit; de laquelle pour le present vous lairay a parler et vous compteray de Girart qui seul s'en aloit chevauchant.

Comment Girart au departir qu'il fist de s'amye qu'il avoit laissi? en la forest vinst en Nyvernois a ung villaige que alors on nommoit la Marche en l'ostel d'un jongleur qu'il congnoissoit.

Ainsi comme parcidevant avez oy Girart de Nevers s'estoit party de s'amye Euriant et l'avoit laissee en la forest toute seule, dont il avoit plus de desplaisir que d'avoir pardue sa terre. Souvent la larme a l'ueil aloit regrettant s'amye en disant: <> Puis apres quant il eust fait sa complainte moult tendrement commen?a de plorer, en plaignant le corps, la beaut? et la humilit? de s'amye et par pluseurs jours en soy desconfortant et demenant grant dueil s'en aloit vacrant par bois, par plains et par villes; et tant que volent? lui vinst de tirer contre Nevers, dont autreffois avoit est? seigneur, disant en lui meismes que, soit folye ou savoir, il yra veoir comment Liziart se gouverne en sa terre que faulcement avoit gaignee. Tant chevaucha par valees et par montaignes qu'il ariva a la Marche seant sur la riviere de Loire ou avoit pour le temps ung moult fort chastel, et se vinst logier au plus celeement qu'il peust en une maisonnette ung peu arriere de la ville, ou pour le temps estoit demeurant ung jongleur, auquel par pluseurs fois avoit fait mains biens et donn? robes et forures. Quant Girart entra en l'ostel du jongleur, moult bien fut recogneu de l'omme et de la femme et furent moult joyeulx de sa venue et tresdesplaisans de sa fortune, et a leur povoir lui firent bonne chiere. <> <> Quant le cheval de Girart fut appointi? il vinst a l'ostel ou la femme avoit mise la table et apport? de telz biens qu'ilz avoient et se assirent tous trois au soupper ou ilz firent bonne chiere. Apres ce qu'ilz eurent soupp? ilz alerent dormir jusques le demain au matin. Girart se leva et se abilla et appella son hoste et lui dist qu'il lui pretast une de ses vielles robes et ung chappel et ung chapperon, pour ce qu'il faisoit lait temps de pluye et de vent, puis lui dist qu'il lui aportast sa vieule, de laquelle Girart savoit moult bien jouer et de pluseurs autres instrumens, fust de harppe, de leu, de salterion ou de orgues. Le jongleur apporta a Girat tous les habilemens qu'il lui avoit demand?, puis abila Girart et lui pendist la vieule au col, puis lui dist: <>

Comment Girart vinst a Nevers la viole au col ou il chanta devant Liziart.

Apres ce que Girart fust abili? en abit de violeur, le jongleur lui apporta unes ousettes et les lui chaussa, pour ce que le temps estoit moult ort et faisoit mauvais cheminer; puis Girart prist congi? de son hoste et se mist a chemin tirant contre Nevers, et tant chemina qu'il vinst a Nevers a grant peinne, car pas n'avoit aprins d'aler a pi?, et entra deans la ville, et en alant qu'il faisoit par icelle oyst pluseurs bourgeois qui disoient l'un a l'autre: <> Girart les entendoit moult bien et tant chemina par la ville la vieule au col qu'il vinst en l'eglise Saint Cire, ou il fist une moult devote oroison a Nostre Seigneur en lui priant que reconforter et aydier voulsist a Euriant s'amye; puis apres se partist de l'eglise, et vinst vers la porte du chastel ou se assist en attendant de estre par aucun appell?. Si advint que ung chevalier entra ou chastel et appella Girart et lui dist: <> <> Lisiart oyant ce qu'il se excusoit lui dist: <> Lors Girart, qui moult estoit descongneu par une herbe dont il s'estoit frot? le visage et les mains, vint avant et attrempa sa vyole, et dist en luy mesmes: <>

Lors moult doulcement commen?a a chanter et a violer a moult cler et doulx son une chan?on de Guillaume d'Orenges le marchis au court nez ainsi et par la maniere qui s'ensuit:

Grant fut la joye en la sale a Laon Moult y eust tables oyseaulx et venoison. Qui que maingeast la char et le poisson Oncques a Guillaume, n'en passa le menton, Ains maingea tourte et beust eaue a foison. Quant eust maingi? le chevalier baron Les nappes trayent sergens et eschan?on Lequel Guillaume mist le roy a raison: <> Et dist le roy: <> O le Guillaume si tant comme charbon: <> Lors se baissa si prinst ung gros baston Puis dist au roy: <>

Ainsi comme vous oyez Girart chanta de Guillaume au court nez moult grant espice mais oncques le conte Liziart ne lui fist presenter a boire ne a maingier.

Comment Girart se chaffoit derriere le conte ou il oyst par la vielle la maniere comment elle avoit tra?e Euriant.

Apres ce qu'il eust fin? sa chan?on, vinst au feu qui estoit gros pour soy assuer et se mist derriere Liziart et derriere la vielle traiteuse qui estoit assise empres lui. Girart regardant par leans parceust ass?s qu'il n'y avoit ordre ne conroy et que tout estoit a l'abandon. Alors la vielle Gondre commen?a moult fierement a parler au conte Liziart et luy reprouva et dist que par elle et par son pourchas il estoit conte de Nevers et que a tort et a mauvaise cause elle avoit trouv? la maniere de tra?r sa bonne maistresse, que riens ne lui avoit meffait, et a Girart fait perdre sa terre, parquoy eulx deux estoient desers des biens et joye de ce monde: <>

Liziart bien saichant que verit? lui disoit, moult courtoisement lui respondist que elle lui disoit verit?, et lui promist sa foy que a tousjours mais sa terre et son avoir lui habandonnoit, et lui dist: <

Alors que Girart eust oy et entendu la maniere et comment lui et s'amye avoient est? tra?s, au plus tost qu'il peust, sans congi? prendre, se departist de la court et vinst en la ville ou il ne demeura gaires jusques a ce qu'il vinst a la porte et saillist dehors es champs, tousjours la viole a son col, tant joyeulx des nouvelles qu'il avoit oyes que merveilles, et ne cessa de trocter tant qu'il fust arriere en l'ostel du jongleur ou il avoit est? si bien festi?; lequel lui vinst au devant et lui demanda comment il avoit besongni? et comment si tost estoit retourn?. <> Lors Girart entra a l'ostel et se assist a table avec son hoste et son hostesse ou ilz firent bonne chiere de ce qu'ilz avoient. Apres ce qu'ilz eurent soupp? ilz alerent dormir, combien que Girart ne dormist gaires car il ne fasoit que penser toute la nuyt, puis quant il fust jour il se leva et se abilla et le jongleur son hoste lui mist a point son cheval et le tira hors de l'estable. Lors Girart prinst congi? de son hostesse et de son hoste et leur remercia la bonne chiere que faicte lui avoient, et puis monta a cheval et se mist en chemin, pensant en quelle contree il porroit oyr nouvelles vrayes de s'amye Euriant, et ne savoit quel part il la peust trouver ne querir, et de courroux et desplaisir qu'il prinst en lui commen?a a trambler en menassant Liziart, affermant en son coraige que s'il peult trouver s'amye, que corps a corps lui vouldra prouver qu'il a fait comme ung desloyal traytre.

Comment Girart de Nevers arriva en ung chastel en Ardenne.

Ainsi comme vous o?s Girart l'enffant triste et pensif aloit chevauchant par pluseurs contrees. Si vinst en Bourgoingne ou il enqueroit savoir nouvelles d'Euriant s'amye. Quant la n'en peust savoir nouvelles il vinst a Paris et puis passa oultre et chevaucha par France et Picardie, puis vinst par le pays d'Ardene tousjours enquerant de s'amye. Si advint que apres ce qu'il eust pluseurs journees chevauchi?, ainsi comme a ung vespre, il choisist ung chastel sur une riviere qui estoit moult fort, et bien mis a deffence a le veoir, et le pays d'entour sembloit estre en guerre car a deux lieuues alentour n'y avoit riens labor? ne edifi? fors maisons brulees et destruites. Apres ledit Girart vist deux hommes a cheval armez tenans leurs espees en leurs mains et les escuz en cautel, comme se deussent combatre, qui estoient sur le pont tournez, puis apres en vindrent quatre de pi? moult bien armez et embastonnez. Girart vinst a eulx et les salua bien courtoisement et leur pria et requist que pour la nuyt le voulsissent logier. Ilz lui respondirent que voulentiers le feroient, mais bien savoient que il ne leur en sauroit ja gr? car, dirent ilz, <> <>

Girart entra dedens la porte et passa le pont que quatre hommes leverent apres. Deux chevaliers le menerent ou donjon, et autres prisrent son cheval et le menerent en l'estable ou il n'y avoit orge ne aveinne fors ung peu de foing qu'ilz donnerent au cheval. Quant Girart entra ou maistre donjon il se merveilla de la povret? qui y estoit et de l'ostel qui estoit si povre, et se ala seoir sur ung coffre et regardoit les chevaliers qui se desarmoient de leurs arnois, qui fort estoient enruilliez, puis se vestirent de leurs robes vielles, rompues et dessirees. Apres ce qu'ilz furent revestus entrerent leans deux routes de chevaliers pailes et maigres moult povrement vestus qui menoient avec eulx une moult belle pucelle et advenant mais tant estoit povre et maigre de jeuner que les os lui parissoient; trespovrement estoit paree et vestue et estoit estaincte et descoloree; sa saincture estoit d'un tissu de laine, la boucle et le mordant estoit de cuivre ou de laiton, parquoy il sembloit ass?s que pas n'estoit de grant richesse. Quant Girart veist la pucelle il se leva et lui vinst au devant et la salua moult humblement. La damoiselle comme courtoise et saige lui dist: <> <> <> Et lors commen?a de plorer en soy complaignant moult piteusement, disant: <> <> La damoiselle respondist a Girart que bien estoit contente de ce faire, mais trop redoubtoit le chevalier pour la grant cruault? de lui et dist: <> La dedans avoit ung chevalier moult ancien et saige; ayant oy les belles offres que Girart avoit faictes a la damoiselle, dist: <> Quant la damoiselle eust oy parler le chevalier, elle prinst son gant senestre et le bailla a Girart, lequel le receust tres voulentiers, en lui disant: <

Comment Galerant vinst a grant puissance devant le chastel de la damoiselle.

Apres ce que eust receu le gaige de la demoiselle tous ceulx du chasteau furent tres joyeux et firent aprester le soupper le mieulx qu'ilz peurent du peu qu'ilz avoient. Quant tout fust prest, tous se misrent a table, et soupperent tous ensemble Girart et la damoiselle avec les autres chevaliers. Quant ilz eurent soupp? ilz firent ensemble pluseurs devises puis on ordena le guet et ala chascun en sa garde. Girart et les autres chevaliers qui n'estoient point du guet s'en alerent dormir jusques au matin que chascun se leva. La pucelle se vestist et mist a point le mieulx qu'elle peust, car celle nuyt n'avoit gueres dormy pour la paour et doubte qu'elle avoit de son anemy, et aussi tous ceulx de l'ostel. Quant Girart veist la pucelle empres lui plourant il se cuida lever du lit mais elle incontinent s'avan?a sur l'esponde du lit en disant a Girart: <> Hastivement se leva et ly dist: <> Puis se vestist et abila et puis alerent ensemble oyr messe bien devotement et puis retournerent et monterent sur les murs et es tours du chastel; mais si tost n'y sceurent estre venus que toute la plaine ne fust plainne de gens d'armes; puis regarderent par la porte et choisirent le seigneur d'eulx, lui .iii.e, qui commen?a a crier a haulte voix a ceulx du chastel qu'ilz lui rendissent leur damoiselle ou ce non il les fera tous mettre a l'espee et fera ardoir le chastel et la damoiselle dedans. Ceulx du chastel entendirent ce que le seigneur leur anemy disoit, dont tous eurent grant paour.

Girart les veant ainsi espaventez leur dist en sousriant: <> Lors sans plus attendre lui apporterent arnois si bon que on sauroit deviser et l'armerent tresbien a son plaisir, et lui chasserent ungs esperons dorez, et lui misrent son escu au col, puis lacerent son eaume; puis prinst son espee qui estoit tresbonne et tresfine, et puis monta sur son destri? tout couvert de sendal vermeil sans mettre le pi? en l'estri? ne sans prendre aucun aventaige, dont tous s'esba?srent, puis fist le signe de la croix en soy recommandant a Dieu, puis fist ouvrir la porte et prinst congi? de la pucelle et saillist hors du chastel la lance ou poing et chevaucha contre Galerant le seigneur anemis du chastel. Quant Galerant, qui tenoit le siege devant le chastel, vist venir Girart si bien en point il s'avan?a et lui dist: <> <> Galerant respondist: <> <> Galerant respondist qu'il estoit tres content et qu'il ne demandoit pas plus bel pain, et que mieulx ne demandoit.>>

Comment Girart combatist le chevalier et le desconfist vaillamment et a grant force.

Quant Galerant eust fait responce a Girart il lui dist: <> Girart dist qu'il estoit content. Galerant ala a ses gens et leur compta l'emprinse que Girat et lui avoient faicte, et prinst quatre de ses gentilz hommes et les amena a Girart et lui dist qu'il les menast ou chastel jusques a ce que leur champ de bataille seroit accomply. Girart fut content et les envoya ou chasteau et firent serement de entretenir de point en point les promesses et convenances faictes entre les deux vassaulx; puis apres la damoiselle les fist enclorre en une tour et les fist garder par quatre hommes. Et elle et tous ses chevaliers monterent sur les tours du chasteau pour veoir le champ des deux chevaliers. Quant les ostaiges furent bailliez comme dit est, iceulx chevaliers prinrent leur course les lances es erretz et picquerent cheval d'esperon et vinrent assembler l'un contre l'autre qu'il sembloit une foudre, et tellement encontrerent qu'ilz rompirent leurs lances en plus de cent pieces et cheurent les chevaulx et les maistres par terre ou longuement demorerent tous estourdis, et tant que ceulx qui les regardoient d'un cost? et d'autre disrent que oncques de deux chevaliers n'avoient veu ferir si beau cop de lance. Quant long temps eurent demeur? les deux chevaliers endormis a terre et tous estourdis se releverent l'espee ou poing et commencerent a combatre et frapper l'un sur l'autre tant qu'ilz fasoient partir le feu de leurs harnois, et se combatirent tellement et par si longue espace qu'ilz estoient tous en sang et en eaue et ne veoient quasi goute. Ilz laisserent leurs espees et se prisrent a bras et tant bouterent et tirerent l'un l'autre que tous deux cheurent a terre aucune fois l'un dessus l'autre dessoubz, et tant et si longuement luterent ensemble qu'ilz demeurerent comme pasm?s si estoient las, et sembloient mieulx mors que vis par la force du sang et de la sueur qu'ilz getoient; car il n'y eust cellui des deux parties qu'il ne pensast avoir perdu son champion et en menoient grant dueil. Quant ilz revindrent a eulx et qu'ilz furent arriere en force et vigueur, incontinent se leverent en pi?s et reprirent leurs espees et commencerent a frapper l'un sur l'autre et tellement combatirent qu'il ne leur demeura piece de harnois entiere. Oncques Roland et Fernagu ne combatirent plus fierement. Dont si mal en prist a Galerant qu'il tomba a terre. Quant Girart le vist ru? jus, ung souvenir lui vinst de s'amye la belle Euriant, puis leva l'espee contremont et dist a Galeran: <> Alors Galeran plain d'orgueil et d'otrecuidance dist a Girart que encores n'estoit il pas temps qu'il se deust rendre et que combien qu'il feust a terre il se releveroit bien. <>

Adonc Girart lui coppa les esguillettes de son heaume et puis lui osta de la teste. Quant Galeran se vist en ce point desarm? et ru? jus et que sa force ne lui povoit aydier, fust bien esba? combien qu'il avoit grant coraige. Encores Girart qui le tenoit soubz lui que sa mercy vouloit avoir et que pour desconfy se tinst. <> Toutesvoyes Girart eust volentiers trouv? maniere que galeran lui eust pri? mercy, mais oncques icellui Galeran ne le voult faire. Quant Girart veist que en nulle maniere ne se vouloit rendre lui coppa la teste de son espee. Quant ceulx du siege virent leur seigneur mort grant desconfort menerent et pour entretenir leurs promesses vindrent a Girart en lui offrant corps et biens a le servir de tout leur povoir.

Comment la damoiselle vinst a Girart qui estoit moult fort navr? et l'ayda a porter a l'ostel.

Apres ce que Girart eust desconfy Galeran, il se reposa car il estoit tresfort navr? et las. Incontinent la demoiselle le veant reposer saillist du chasteaul bien accompaignee et vinst a lui et tant de joye comme de piti? commen?a a plorer et trouva Girart qui se reposoit empres le chevalier mort, lequel Girart estoit tant couvert de sanc par le visaige que a grant peine veoit il goute, dont la damoiselle estoit moult dolante, pensant qu'il deust morir et commen?a crier a haulte voix:

<> Et incontinent se aproucha de Girart, lequel estoit tant plain de sang et de sueur que il ne la povoit veoir et d'autrepart estoit comme pasm?. Quant la damoiselle le veist en ce point, commen?a a soy lamenter et dist: <>

Lors commen?a a soy tirer par les cheveux et a batre ses mains et menoit ung grant desconfort. Ainsi qu'elle menoit celle dure vie Girart revinst a lui qui estoit en grant peine et getta deux sospirs.

Quant la damoiselle l'oyst elle prinst ung fin couvrechief et lui essua le visaige, les yeux et la bouche; quant elle l'eust essuy? il commen?a ung peu a ouvrir les yeux et la bouche et a grant peine commen?a a parler une voix casse et vaine et dist a la damoiselle qu'elle le feist emporter pour le desarmer et pour veoir ses plaies. La damoiselle lui respondist en plorant que volentiers le feroit; adonc incontinent lui osta son escu et le ayda a emporter a l'ostel. Quant tous les gentilz hommes de Galerant virent venir la damoiselle, lui vindrent prier mercy en eulx offrant corps et chevance a la servir et lui firent hommaige.

Apres la damoiselle vinst ou chastel et fist desarmer Girart et le coucha en ung bon lit et puis le visita par tout le corps, ou y avoit pluseurs playes mais nulle n'en y avoit mortelle, lesquelles elle fist mettre a point bien et doulcement et fut bien joyeuse de ce qu'il n'avoit nulle playe mortelle; et au surplus pensa de Girart le mieulx que possible lui estoit, et tellement que deans brief temps commen?a fort a amender et fut gary deans ung mois, et se leva du lit et lui souvinst de s'amye Euriant et lui prinst voulent? de soy partir et de prendre congi? de la damoiselle car il vouloit serchier et enquerir de s'amye. Advint que ung jour il parla a la pucelle et lui dist: <

Il m'est venu volent? d'accomplir ung voyage que pie?a ay entreprins de faire; parquoy je vueil prendre congi? de vous, lequel vous me donnerez s'il vous plaist. Et s'il advenoit que aucun affaire vous survinst je seray prest de vous secourir pour tant que je en soye adverty de par vous, car comme a vostre chevalier me povez commander. Vous priant que, avant que me parte de vous, me vueilliez dire vostre nom.>> <> Girart, qui aperceust ass?s qu'elle avoit s'amour en lui, lui dist: <> Quant la damoiselle vist que Girart ne vouloit point demeurer et que il avoit le cuer autrepart elle devinst toute pensive et ne povoit parler de desplaisir. Girart la veant en ce pensement la prinst par la main et lui dist: <> et lui conta tout son affaire, le grant anuy et la grant perte de sa terre qu'il avoit perdue, et encores plus plaignoit s'amye Euriant. Quant la pucelle oyst qu'il parloit de s'amye, oncques n'eust au cuer plus grant douleur, et dist: <>

Share on: WhatsApp @Hash Facebook Tweet