: The Zeit-Geist by Dougall L Lily - Fiction

@FreeBooksTue 06 Jun, 2023

Posted in: #FreeBooks #FreeBooksIndia #FreeBooksApp #gg

Vote Up Vote Down

Translator: Arcadius Avellanus

Produced by: Aur?li?nus Agricola

Insula Thesauraria

Ab auctore Roberto Ludovico Stevenson

Latine interpretatus est Arcadius Avellanus

Prostat apud E. Parmalee Prentice 37 Wall Street, New York City, N. Y.

Latin Press Printing Co., 336 West Girard Ave., Philadelphia, Pa.

For permission to publish this Latin version of Treasure Island, I take pleasure in expressing my thanks to Messrs. Charles Scribner's Sons, American publishers on Mr Stevenson's works.

E. Parmalee Prentice

Disciplinae linguae Latinae, litterarumque Romanarum ac Latinarum studiosi et cultores aevi nostri universim in duo castra abeunt. Una eorum sunt, qui Latina lingua in rebus scholasticis veluti sermone vivo ac praesenti tamquam adminiculo utuntur, quos ideo Scholasticos appellamus. Hi fere sunt Magistri ac Professores Seminariorum Sacerdotalium iurisdictionis atque obedientiae Pontificiae Romanae. His adnumerandi sunt omnes sacerdotes, Ordinesque Religiosi in omni terrarum orbe, atque eruditi saeculares, sive laici, veluti professores, advocati atque medici, assecla Coetus Romani, vel, ut vulgo dicimus, Ecclesiae Romanae in omnibus terrae gentibus. -- Altera castra sunt eorum, qui a Coetu Romano desciverunt, et, quoniam civilitatem Romanam exuere nolunt, has disciplinas conservandas prosequendasque iudicant. Verumtamen, quum usum sermonis, et exercitationem in rebus scholasticis Latinis defectione amiserunt, Latinam linguam ex auctoribus Romanis eruere, atque tanquam ab extrinseco, in usum linguae introire tantant. Hos, fortasse, philologos recte appellabimus.

Nos in medio sumus, utpote qui et sermonem Latinum callemus, ususque scholasticos scimus, nec philologiae sumus ignari.

Cordatissimi quique ex castris philologorum, praesertim ex quo gentes e nuperna carnificina emerserunt, haud aliter de his disciplinis, quam scholastici sentiunt, palamque praedicant scientiam Latinitatis non modo ad culturam Romanam sarta-tecta servandam prorsus ex re generis humani esse, verum etiam ad animos singulorum civium omnium gentium humanitate, cultu, fide, probatis moribus imbuendos supremae esse necessitatis. Quin, nonnulli haud dubitant addere, si gentes omnium stirpium ac terrarum in pace, in concordia, atque intra Ius Gentium perseverare, tumultus, seditiones bellaque evitare velint, haud posse sine adminiculo unius linguae gentium, Latinae nempe, vivere, quam sine aere.

Free books android app tbrJar TBR JAR Read Free books online gutenberg

Login to post a comment!